پاکستانی واکدارانــی پوتاری ءِ سـَـبـَــب

پاکستانی رستريـں واکـداران ءُ پنجاپی زرپرستـاں که بلوچستـــان ءِ زوربرد کنگ ءِ وابءَ گندگاينـت چه بلوچستــان ءِ راجی جنــز ءِ ديمــروی ءُ بلوچ جهـدکار ءُ سرمچارانــی راجدپتــری جنگاں سک تکانســر ءُ زهرکـن انــت. آهاں که په بلــوچ ءُ بلوچستـــان ءِ مدامـی گـلام ءُ ايردست دارگ ءَ هر پيميــں زورانســری ءُ پنـدلاں کار مرز کرتـگ انت پاکستـان ءِ پـروش ءُ شکســت ءَ گندگاينت.

پاکستانی واکدارانی يک پندلـے ايش انت که بلــوچ راج ءِ آزاتی جهـد ءَ درآمدانی کار پيش بدارنــت. هر وهـد که لوٹنت اے کهنگيـں دروگ ءَ گاجائيل کننــت ءُ وتی ميدياءِ دستا دينـت .

اسلام آباد ءِ پلينڈيـں واکـداراں پيـش ءَ گشتگ که پاکستـان ءِ هلاپ ءَ هندوستـان، روس ءُ امريکا گوں بلوچــاں هم شور انت ءُ گوستگيـں روچاں رستريـں دروگبـنــد رحمان ملک ءَ جار جتگ که اسکانديناوی ملـک ( نروژ، سوئد، دانمارک ءُ فنلاند ) ماں بلوچستـان ءَ جاسوسـی کنگاينت ءُ آهانی هپت جاسـوس دستگر کنـگ بوتگ انـت.
بيد چے قاتليــں رحمـان ملـک چنتے دگه چه پاکستانی ابليسی واکداراں چوش که طالبان ءِ دينبوگ حميـد گل هم اے باروا بے دريــں گپ ءُ پوتـاری کتـگ.

بلــوچ ماں اسکاندينـاوی ءَ

بلوچستــان ءِ نگيگيــں سياسـی جاورانی سبب ءَ اسکانديناوی ملکـاں بلوچانی ميارجـلّ اَنـت. اسکانديناوی ملکاں بـزاں نروژ، سوئد، دانمارک ءُ فنلاند آزات ءُ سرآگاهيـں ملک انـت. بلوچانـی وجود ءُ زند گوازينگ ماں چشيں آزاتيــں ملکـاں په ايرانی ءُ پاکستانی واکداراں چه زهــرءُ ماجيـن ءَ گنتـرانت.

پرچا که بلــوچ ءَ هم دگه انسانانی پيما ماں يوروپی ملکاں وتی هردابيــں فردی ءُ اجتماعی هکاں هست انت. ماں اے ملکاں بلــوچ وتی گپاں تچکاتچک کت کنت. بلــوچ ءِ زهگ ماں اے ملکاں وانگ ءِ هک هست. ماتی زبان ء وانگ ءُ وانينـگ ماں يوروپی ملکاں آزات انت. اداں بلــوچ جنين آدماں گوں آدگه جنينان بريبر انت. ماں اے ملکاں بلــوچ آزات انت که په وتی کار ءُ روزگار وتی وانگ، زانت ءُ تجربه ياں کار بندايت. هونواریں پاکستانی ءُ رستريں ايرانی واکدار چه زهر کنی ءَ ترکـّـگاينت وهــدے که گندانت بلوچ ماں اسکانديناوی ءَ هم وتی گلزمين ءُ وتی ملک مردماں نه شموشتگ.
اسکانديناوی ءِ جاهمننديں بلــوچ گوں پهرءُ شان په بلوچستـــان ءُ بلوچ راج ءِ راجدپتری واهگ ءُ مکسد بزاں گلزميـــن ءِ آجويی ءِ پوره بيگ ءَ بلوچستان ءِ جهدانی کاروان ءِ بهرے انــت.
دريگتيــں که اسکانديناوی ملک ءُ مردماں گـوں بلوچستان ءِ آزاتی پسنديں راجی جنزءَ نزيکيں همکاری به کتيــں. هما پيما که گـوں آزاتی پسنديں واکاں ماں زرباری افريکا، کوردستان، اريتره، زرباری سودان ءُ برمـه ( ميانمار) ءَ همکاری ءُ همکوپگی اِش کتگ.

رستريـں رحمــان ملـک ءِ زهرکنــی ءُ پوتاری ءِ يک سببے بلوچانی زند گوازينگ ءُ سرآگاهی ماں اسکانديناوی ملکان انـت. البت ايرانی واکداراں هم چنت رند وتی زهرکنی ءَ چه اے بابت ءَ پيسرا پيش داشتگ ءُ سوئد ءُ نروژ اِش بهتام جتگ که آ لوٹنت « ايران» ءَ به پروشنت ءُ ٹکر ٹکر بکننت.

يوروپ ءُ اسکانديناوی ءِ جاهمننديں بلوچانـی راجی اگده انت که په بلوچستان ءِ آجويی ءَ ماں کومی کاراں بهر بزورانت. اے وَ باز جوانيں گپے انت که اگاں آهاں بزاں يوروپ ءُ اسکاندينـاوی ءِ جاهمننديں بلـوچ بتواننت دل پهکیں کومی هوربنداں زری کمــک هم بکن انت. وهـدے که سدانی سـد بلوچ وتی ساه ءُ جانان په راج ءُ گلزمين ءِ آزاتی ءَ ندر کنگاينت ءُ سرمچارانی وابجاه ملکءِ کوه ءُ تـلاران انت، هزاراں بلــوچ پتءُ مات سوگيگ ءُ مئی هزاراں گهار جنوزامی ءِ سياهیں گـد گورانت ءُ وهديکه بے شمار کسانسانیں بلـوچ چوره ءُ يتيم بوتگ انت، وهديکه ملک ءُ راج بنديگ انت گـڑا چوں بلــــــوچ ماں آسراتيـں يورپی ملکاں آرام نشت کـت کننــت؟

پروشـت ءُ پـروش باتنــت ايــران ءُ پاکستـان
آزات ءُ آبــاد بات گنجـيــــــں بلوچستــــــــان

محمـــد کريــم بلــوچ

بيست ءُ شش جنوری ۲۰۱۱

پاکستانی واکدارانــی پوتاری ءِ سـَـبـَــب پاکستانی رستريـں واکـداران ءُ پنجاپی زرپرستـاں که بلوچستـــان ءِ زوربرد کنگ ءِ وابءَ گندگاينـت چه بلوچستــان ءِ راجی جنــز ءِ ديمــروی ءُ بلوچ جهـدکار ءُ سرمچارانــی راجدپتــری جنگاں سک تکانســر ءُ زهرکـن انــت. آهاں که په بلــوچ ءُ بلوچستـــان ءِ مدامـی گـلام ءُ ايردست دارگ ءَ هر پيميــں زورانســری ءُ پنـدلاں کار مرز کرتـگ انت پاکستـان ءِ پـروش ءُ شکســت ءَ گندگاينت. پاکستانی واکدارانی يک پندلـے ايش انت که بلــوچ راج ءِ آزاتی جهـد ءَ درآمدانی کار پيش بدارنــت. هر وهـد که لوٹنت اے کهنگيـں دروگ ءَ گاجائيل کننــت ءُ وتی ميدياءِ دستا دينـت . اسلام آباد ءِ پلينڈيـں واکـداراں پيـش ءَ گشتگ که پاکستـان ءِ هلاپ ءَ هندوستـان، روس ءُ امريکا گوں بلوچــاں هم شور انت ءُ گوستگيـں روچاں رستريـں دروگبـنــد رحمان ملک ءَ جار جتگ که اسکانديناوی ملـک ( نروژ، سوئد، دانمارک ءُ فنلاند ) ماں بلوچستـان ءَ جاسوسـی کنگاينت ءُ آهانی هپت جاسـوس دستگر کنـگ بوتگ انـت. بيد چے قاتليــں رحمـان ملـک چنتے دگه چه پاکستانی ابليسی واکداراں چوش که طالبان ءِ دينبوگ حميـد گل هم اے باروا بے دريــں گپ ءُ پوتـاری کتـگ. بلــوچ ماں اسکاندينـاوی ءَ بلوچستــان ءِ نگيگيــں سياسـی جاورانی سبب ءَ اسکانديناوی ملکـاں بلوچانی ميارجـلّ اَنـت. اسکانديناوی ملکاں بـزاں نروژ، سوئد، دانمارک ءُ فنلاند آزات ءُ سرآگاهيـں ملک انـت. بلوچانـی وجود ءُ زند گوازينگ ماں چشيں آزاتيــں ملکـاں په ايرانی ءُ پاکستانی واکداراں چه زهــرءُ ماجيـن ءَ گنتـرانت. پرچا که بلــوچ ءَ هم دگه انسانانی پيما ماں يوروپی ملکاں وتی هردابيــں فردی ءُ اجتماعی هکاں هست انت. ماں اے ملکاں بلــوچ وتی گپاں تچکاتچک کت کنت. بلــوچ ءِ زهگ ماں اے ملکاں وانگ ءِ هک هست. ماتی زبان ء وانگ ءُ وانينـگ ماں يوروپی ملکاں آزات انت. اداں بلــوچ جنين آدماں گوں آدگه جنينان بريبر انت. ماں اے ملکاں بلــوچ آزات انت که په وتی کار ءُ روزگار وتی وانگ، زانت ءُ تجربه ياں کار بندايت. هونواریں پاکستانی ءُ رستريں ايرانی واکدار چه زهر کنی ءَ ترکـّـگاينت وهــدے که گندانت بلوچ ماں اسکانديناوی ءَ هم وتی گلزمين ءُ وتی ملک مردماں نه شموشتگ. اسکانديناوی ءِ جاهمننديں بلــوچ گوں پهرءُ شان په بلوچستـــان ءُ بلوچ راج ءِ راجدپتری واهگ ءُ مکسد بزاں گلزميـــن ءِ آجويی ءِ پوره بيگ ءَ بلوچستان ءِ جهدانی کاروان ءِ بهرے انــت. دريگتيــں که اسکانديناوی ملک ءُ مردماں گـوں بلوچستان ءِ آزاتی پسنديں راجی جنزءَ نزيکيں همکاری به کتيــں. هما پيما که گـوں آزاتی پسنديں واکاں ماں زرباری افريکا، کوردستان، اريتره، زرباری سودان ءُ برمـه ( ميانمار) ءَ همکاری ءُ همکوپگی اِش کتگ. رستريـں رحمــان ملـک ءِ زهرکنــی ءُ پوتاری ءِ يک سببے بلوچانی زند گوازينگ ءُ سرآگاهی ماں اسکانديناوی ملکان انـت. البت ايرانی واکداراں هم چنت رند وتی زهرکنی ءَ چه اے بابت ءَ پيسرا پيش داشتگ ءُ سوئد ءُ نروژ اِش بهتام جتگ که آ لوٹنت « ايران» ءَ به پروشنت ءُ ٹکر ٹکر بکننت. يوروپ ءُ اسکانديناوی ءِ جاهمننديں بلوچانـی راجی اگده انت که په بلوچستان ءِ آجويی ءَ ماں کومی کاراں بهر بزورانت. اے وَ باز جوانيں گپے انت که اگاں آهاں بزاں يوروپ ءُ اسکاندينـاوی ءِ جاهمننديں بلـوچ بتواننت دل پهکیں کومی هوربنداں زری کمــک هم بکن انت. وهـدے که سدانی سـد بلوچ وتی ساه ءُ جانان په راج ءُ گلزمين ءِ آزاتی ءَ ندر کنگاينت ءُ سرمچارانی وابجاه ملکءِ کوه ءُ تـلاران انت، هزاراں بلــوچ پتءُ مات سوگيگ ءُ مئی هزاراں گهار جنوزامی ءِ سياهیں گـد گورانت ءُ وهديکه بے شمار کسانسانیں بلـوچ چوره ءُ يتيم بوتگ انت، وهديکه ملک ءُ راج بنديگ انت گـڑا چوں بلــــــوچ ماں آسراتيـں يورپی ملکاں آرام نشت کـت کننــت؟ پروشـت ءُ پـروش باتنــت ايــران ءُ پاکستـان آزات ءُ آبــاد بات گنجـيــــــں بلوچستــــــــان محمـــد کريــم بلــوچ بيست ءُ شش جنوری ۲۰۱۱